ಬಾಲ್ಯದ ನೆನಪು: ಹೀಗೊಂದು ಮೆಲುಕು !

ಬಾಲ್ಯದ ನೆನಪು: ಹೀಗೊಂದು ಮೆಲುಕು !

ಎಪ್ರಿಲ್-ಮೇ ಬಂದರೆ ಸಾಕು, ಮಕ್ಕಳಿಗೆಲ್ಲ ಶಾಲೆಗೆ ರಜೆ. ರಜೆ ಕಳೆಯಲು ಏನು ಮಾಡಬೇಕು ಎಂಬುದು ಹಿರಿಯರಿಗೆಲ್ಲ ಚಿಂತೆ. ಕೆಲವು ದಶಕಗಳ ಹಿಂದೆ  ಹೇಗಿತ್ತು? ಶ್ರೀಕೃಷ್ಣ ಶಾಸ್ತ್ರಿಗಳು ನೆನಪಿನ ಬುತ್ತಿಯನ್ನು ಹೀಗೆ ಬಿಚ್ಚಿಟ್ಟಿದ್ದಾರೆ ನೋಡಿ: (ಕವನ  ಹವ್ಯಕ ಭಾಷೆಯಲ್ಲಿದೆ)

ಇಡೀ ತೋಟಂದ ಅಡಕ್ಕೆ ಹೆರ್ಕೆಕ್ಕು ಬೇಗ

ನಡಕೊಂಡೆ ಶಾಲೆಗೆ ಹೋಯೆಕ್ಕು ಆಗ !

ಚೀಲ,ಬುತ್ತಿ ,ಕೊಡೆ ಎಲ್ಲ ಸೇರಿ

ಎನ್ನಷ್ಟೇ ತೂಕ ಹೊತ್ತೊಂಡು ದಾರಿ !!

ಚಿಮಿಣಿ ದೀಪಲ್ಲೇ ಎಂಗೊ ಓದಿದ್ದು ಇರುಳು

ತಲೆಕಸವು ಚಿರಿಚಿರಿನೆ ಹೊತ್ತಿದ್ದು ಸುರುಳು !

ಕರೆಂಟೇ ಬೈಂದಿಲ್ಲೆ ಊರಿಂಗೇ ಆಗ

ಹೇಳಿದರೆ ಮಕ್ಕೊ ನಂಬುತ್ತವೊ ಈಗ?!!

ಐವತ್ತು ಮಾರ್ಕ್ ಸಿಕ್ಕಿದರೆ ಅರಸ !

ನಲ್ವತ್ತೇ ಸಿಕ್ಕಿದರೂ ಆನಲ್ಲ ಬುರುಸ !!

ಪಾಸಾದ್ರೂ ಸಾಕು! ಎಂತೆಂಥ ಹರುಷ !

ರಜೆಗಾಗಿ ಕಾವದು ನೂಕುತ್ತ ವರುಷ !!

ಮಗುವಣ್ಣ ,ಚಂಕಣ್ಣ,ಸುಬ್ಬಣ್ಣ ಬಕ್ಕು !

ಮಾಚಕ್ಕ ,ಶೀಲಕ್ಕ ರಜೆ ಬಂದ್ರೆ ಇಕ್ಕು !!

ಇಡಿದಿನ ಉಯ್ಯಾಲೆ,ಆಟಂಗೊ ಸೊಕ್ಕು !

ಪಾಯಸವ ತಿಂಬಾಗ ಬಟ್ಲನ್ನೇ ನಕ್ಕು !!

ತಮ್ಮಂದ್ರು ,ಅಕ್ಕಂದ್ರು ಒಟ್ಟಿಂಗೆ ಹಾರಿ

ಚೆನ್ನೆಮಣೆ,ಇಸ್ಫೇಟ್ ಬೈಕ್ಕೊಂಡು ಭಾರೀ !

ಕತ್ತೆಯಾದವ ನಾಚಿಗೆಲಿ ಕೂಗ್ಯೊಂಡು ದೂರಿ

ಹೊಟ್ಟೆಬೇನೆ ಹೇಳಿಕ್ಕಿ ಹೊಕಪ್ಪ ಜಾರಿ !!

ಪೇಪರಿನ ಬಕ್ಕಿಲಿ ಕಟ್ಟಿದರೆ ಚೆಂಡು !

ಆಡುವುದು ಅಪ್ಪ ಮನುಗಿದರೆ ಉಂಡು !!

ಕೊತ್ತಳಿಂಗೆಯ ಕೆತ್ತಿ ಮಾಡಿದ್ದು ಬ್ಯಾಟ್ !

ಮನೆಲಿಪ್ಪ ಮುಟ್ಟಾಳೇ ಹೆಲ್ಮೆಟ್_ ಹ್ಯಾಟ್ !!

ಸೋಗೆಲಿ ಕೂರುತ್ತೆ ,ಎಳೆ ನೀನು ತಮ್ಮಾ

ಕುತ್ತಕಂಡೆ ಮೊಗಚಿದರೂ ಖುಷಿಯೆಂತ ನಮ್ಮ !

ಮಣ್ಣಿನ ರಾಶಿಯೇ ಜಾರ್ಬಂಡಿ _ಕರ್ಮ

ಚಡ್ಡಿ ಹರಿಯೆಕ್ಕು ,ಮತ್ತೆ ಕಾಣೆಕ್ಕು ಅಮ್ಮ !!

ಹೊಳೆಮಾವು,ನೆಕ್ಕರೆಗೆ ಕಲ್ಲಿಡ್ಕಿ ತುಂಬಾ

ಸಿಕ್ಕಿದರೆ ಅಲ್ಲಲ್ಲೇ ವಿಲೇವಾರಿ_ತಿಂಬೊ !

ಪೇರಳೆಯ ಮರಹತ್ತಿ ಎಕ್ಕಿದರೆ ಕೊಯಿದು

ಸಿಕ್ಕದ್ರೆ ಪದುರಾಡು ಮಂಗಂಗೆ ಬೈದು !!

ಮಾಲಿಂಗ,ಚನಿಯಂದೆ ಐತ್ತಪ್ಪ ಬಕ್ಕು !

ಕಾವೇರಿ,ಕೊರಗಮ್ಮ,ಹೊನ್ನಮ್ಮ ಇಕ್ಕು !!

ಅಮ್ಮಂಗೆ ಕೆಲಸಕ್ಕೆ ಬೇಕಕ್ಕು _"ಅಕ್ಕು" !

ಕುಕ್ಕಪ್ಪ , "ನಂಕಿನಿ ಕೊಯ್ಯೋಡು ಕುಕ್ಕು" !!

ಮಾಲಿಂಗ ಮರಹತ್ತಿ ತೆಂಗಿಂದು ಮೇಲೆ

ನೀರಿಂಗೆ ಕೊಯಿದ್ಹಾಕಿ " ಅಣ್ಣೇರೆ ತೂಲೆ" !

ತೋಡಿಲಿ ಓಡುತ್ತಾ ಹೆರ್ಕೆಕ್ಕು ತೆಂಗು

ನೀರಲ್ಲೂ ಖುಷಿಯಿತ್ತು , ಎಂತೆಂಥ ರಂಗು !!

ಏಳೆಂಟು ಹಲಸು ಹಪ್ಪಳಕೆ ಬಂತು !

ಮಕ್ಕೊಲ್ಲಾ ಆಯೆಕ್ಕು ಒಟ್ಟಿಂಗೆ ಕುಂತು !!

ಆಗಾಗ್ಗೆ ರಾಶಿಂದ ಒಂದೊಂದು ತಿಂತ !

ತೋರದವ ಹಪ್ಪಳವ ಒತ್ತೆಕ್ಕು ಎಂತ !!

ಅಡಕ್ಕಗೆ ಕೈ ಹಾಕಿ ಮಕ್ಕೊಲ್ಲಾ ಸೇರಿ

ಸಾಲಾಗಿ ಕೂರೆಕ್ಕು ಚೆಂದಕ್ಕೆ ಭಾರೀ !

ನೂಕುತ್ತ ಹಿಂದ್ಹೆಂದೆ ಹೋಯೆಕ್ಕು ಜಾರಿ

ಚೆಂದಕ್ಕೆ ಹಾಕದ್ರೆ ತಪ್ಪುತ್ತು ದಾರಿ !!

ನೀರ್ಚೇಪು ಆವಾಗ ಚಿಳ್ಳಿಲೇ ಬಗ್ಗಿ

ಉರುಹೊಡೆದು ಕಲಿಯೆಕ್ಕು ಒಟ್ಟಿಂಗೆ ಮಗ್ಗಿ !

ಜೋಡೆಲ್ಲಿ? ನಡೆಯೆಕ್ಕು ಬರೆಕಾಲೇ ಎಲ್ಲ

ನಾಚಿಗೆ ,ಛೀಮುಳ್ಳು ಕಂತುತ್ತು ಮೆಲ್ಲ !!

ಬೀಂಪ್ರುಳ್ಳಿ ಮರಹತ್ತಿ ಐದಾರು ತಿಂಬೆ !

ತುಪ್ಪಿಕ್ಕಿ ಗ್ರಾಚಾರ ,ಹುಳಿಪಿಂಡ ಎಂಬೆ !!

ಬೀಜದ ಮರಹತ್ತಿ ಕುಲುಕುಸುವೆ ಚೆಂದ !

ದಡಬಡನೆ ಹಣ್ಣುಗೊ ಬೀಳುದೇ ಅಂದ !!

ಪುಳಿಂಕೊಟೆ ,ಸಾಂತಾಣಿ ,ಹಪ್ಪಳವೇ ಸ್ಟೋಕ್ !

ಹೊತ್ತೋಪಗಣ ಕಾಫಿಗೆ ಬೇರೆಂತ ಬೇಕು ?

ಬೇಕಾದ್ರೆ ಅಟ್ಟಲ್ಲಿ ಮಂಡಗೆಲಿ ಬೆಲ್ಲ !

ಅಪ್ಪಂಗೆ ಕಾಣದ್ದೆ ಹತ್ತೆಕ್ಕು ಮೆಲ್ಲ !!

ಟೀವಿ ಮೊಬೈಲ್ ಇತ್ತಿಲ್ಲೆ ಆಗ

ಒಂಬತ್ತು ಗಂಟೆಗೇ ಮನುಗೆಕ್ಕು ಬೇಗ !

ಬಾಲ್ಯದ ನೆಂಪುಗಳ ಮರೆವದು ಹೇಂಗೆ?

ಬರಕ್ಕೊಂಡೇ ಹೋದರೆ ಉದ್ದಕ್ಕು ಹೀಂಗೇ!!

© ಶ್ರೀಕೃಷ್ಣ ಶಾಸ್ತ್ರಿ

ಮಾಹಿತಿ: ನೆತ್ರಕೆರೆ ಮಠ ವಾಟ್ಸಪ್ ಗ್ರೂಪ್

ಚಿತ್ರಕೃಪೆ: ಕನ್ನಡ ಜಾನಪದ ಬ್ಲಾಗ್ ಸ್ಪಾಟ್.ಕಾಮ್