PARYAYA: ಆನೆಗಳು ಕೇಳುತ್ತಿವೆ: ನಮ್ಮ ದಾರಿ ನಮಗೆ ಬಿಡಿ!

 ಆನೆಗಳು ಕೇಳುತ್ತಿವೆ: ನಮ್ಮ ದಾರಿ ನಮಗೆ ಬಿಡಿ!

ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನದ ಮೌನ ಗೋಳಾಟ!

ಭೂಮಾಫಿಯಾ ಕಣ್ಣು, ಮಾನವ ಅತಿಕ್ರಮಣ, ಪರಿಸರ ಸೂಕ್ಷ್ಮ ವಲಯದ ಕುಸಿತ

ಬೆಂಗಳೂರಿನ ಗದ್ದಲದಿಂದ ಕೇವಲ ೨೭ ಕಿ.ಮೀ ದೂರದಲ್ಲಿರುವ ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನ (BNP), ಕರ್ನಾಟಕದ ಪ್ರಮುಖ ವನ್ಯಜೀವಿ ಧಾಮಗಳಲ್ಲಿ ಒಂದು. ಇದು ಕೇವಲ ಪ್ರಾಣಿ ಸಂಗ್ರಹಾಲಯವಲ್ಲ; ಏಷ್ಯಾದ ಆನೆಗಳ ಸಂತಾನೋತ್ಪತ್ತಿ ಸಮೂಹಗಳು, ಕಾಡುಕೋಣಗಳು, ಚಿರತೆಗಳು ವಾಸವಾಗಿರುವ ಮತ್ತು ಕಾವೇರಿ ನದಿಯ ಪ್ರಮುಖ ಜಲಾನಯನ ಪ್ರದೇಶಗಳಿರುವ ಸುಮಾರು ೧೪೦೦ ಚದರ ಕಿ.ಮೀ. ವಿಸ್ತಾರವಾದ ವನ್ಯಜೀವಿ ಆವಾಸಸ್ಥಾನದ ಜೀವನಾಡಿ. ದುರದೃಷ್ಟವಶಾತ್, ನಗರದ ವಿಸ್ತರಣೆ, ಭೂ ಮಾಫಿಯಾ ಕಣ್ಣು ಮತ್ತು ಅಧಿಕಾರಶಾಹಿ ನಿರ್ಲಕ್ಷ್ಯದ ನಡುವೆ, ಈ ಅರಣ್ಯದ ಅಸ್ತಿತ್ವಕ್ಕೆ ಇಂದು ಗಂಭೀರ ಬೆದರಿಕೆ ಎದುರಾಗಿದೆ.

ಪರಿಸರ ಸೂಕ್ಷ್ಮ ವಲಯಗಳು: ಆಘಾತ ಹೀರಿಕೊಳ್ಳುವ ಗುರಾಣಿ

ಯಾವುದೇ ಸಂರಕ್ಷಿತ ಪ್ರದೇಶದ ಸುತ್ತಲೂ ಪರಿಸರ ಸೂಕ್ಷ್ಮ ವಲಯ (Eco-Sensitive Zone - ESZ) ಅಥವಾ ಪರಿಸರ ಸೂಕ್ಷ್ಮ ಪ್ರದೇಶಗಳನ್ನು (Ecologically Fragile Area - EFA) ರಚಿಸುವ ಮೂಲ ಉದ್ದೇಶವೆಂದರೆ, ಆ ಪ್ರದೇಶಗಳಿಗೆ "ಆಘಾತ ಹೀರಿಕೊಳ್ಳುವ ವಲಯ (shock absorber)" ವನ್ನು ಒದಗಿಸುವುದು. ಈ ವಲಯಗಳನ್ನು ಗುರುತಿಸಿ,ಪರಿಸರ ಮತ್ತು ಅರಣ್ಯ ಹವಾಮಾನ ಬದಲಾವಣೆ ಸಚಿವಾಲಯ (MoEFCC) ಅಧಿಸೂಚನೆ ಹೊರಡಿಸುತ್ತದೆ. ಸಂರಕ್ಷಿತ ಪ್ರದೇಶಗಳ ಮೇಲಿನ ನಕಾರಾತ್ಮಕ ಪರಿಣಾಮಗಳನ್ನು ಕಡಿಮೆ ಮಾಡಲು ಇಲ್ಲಿ ಮಾನವ ಚಟುವಟಿಕೆಗಳನ್ನು ನಿಯಂತ್ರಿಸಲಾಗುತ್ತದೆ. ರಾಷ್ಟ್ರೀಯ ವನ್ಯಜೀವಿ ಕ್ರಿಯಾ ಯೋಜನೆ ೨೦೦೨-೨೦೧೬ ರ ಪ್ರಕಾರ, ಜೀವವೈವಿಧ್ಯದ ದೀರ್ಘಾವಧಿಯ ಉಳಿವಿಗೆ ಈ ವಲಯಗಳು ಅರಣ್ಯದ ತುಣುಕುಗಳ ಪ್ರತ್ಯೇಕತೆಯನ್ನು ತಡೆಯುವ ಪ್ರಮುಖ ಪರಿಸರ ಕಾರಿಡಾರ್‌ಗಳಾಗಿ ಕಾರ್ಯನಿರ್ವಹಿಸುತ್ತವೆ.

BNP ಯ ESZ ಕಡಿತದ ದುರಂತ

BNP ಯ ESZ ವ್ಯಾಪ್ತಿಯಲ್ಲಿ ಇತ್ತೀಚೆಗೆ ಕಂಡುಬಂದಿರುವ ಬದಲಾವಣೆಗಳು ಪರಿಸರ ಕಾರ್ಯಕರ್ತರಲ್ಲಿ ಆತಂಕ ಮೂಡಿಸಿವೆ.

• ೨೦೧೬ರ ಮೊದಲ ಅಧಿಸೂಚನೆಯಲ್ಲಿ, ಉದ್ಯಾನವನದ ಗಡಿಯಿಂದ ೧೦೦ ಮೀ ನಿಂದ ೪.೫ ಕಿ.ಮೀ ವರೆಗಿನ, ೨೬೮.೯ ಚದರ ಕಿ.ಮೀ ಪ್ರದೇಶವನ್ನು ESZ ಎಂದು ಗುರುತಿಸಲಾಗಿತ್ತು.
• ಆದರೆ, ಅಕ್ಟೋಬರ್ ೨೦೧೮ ರ ಎರಡನೇ ಕರಡು ಅಧಿಸೂಚನೆಯಲ್ಲಿ, ESZ ವ್ಯಾಪ್ತಿಯನ್ನು ಕೇವಲ ೧೦೦ ಮೀಟರ್‌ನಿಂದ ೧.೦ ಕಿಲೋಮೀಟರ್‌ಗೆ ಇಳಿಸಿ, ಪ್ರದೇಶವನ್ನು ೧೬೮.೮೪ ಚದರ ಕಿ.ಮೀ ಗೆ ಕುಗ್ಗಿಸಲಾಯಿತು.
• ಮಾರ್ಚ್ ೨೦೨೦ ರಲ್ಲಿ ಪ್ರಕಟವಾದ ಅಂತಿಮ ಅಧಿಸೂಚನೆಯಲ್ಲಿ ಇದೇ ಕಿರಿದಾದ ವ್ಯಾಪ್ತಿಯನ್ನು ಅನುಮೋದಿಸಲಾಯಿತು.

ಯಾವುದೇ ಸಮರ್ಪಕ ವೈಜ್ಞಾನಿಕ ಅಧ್ಯಯನವಿಲ್ಲದೆ ಈ ESZ ಅನ್ನು ಕಡಿಮೆ ಮಾಡಿರುವುದು, ಗಣಿಗಾರಿಕೆ ಮತ್ತು ಭೂ-ಗಳಿಕೆಯಂತಹ ವನ್ಯಜೀವಿಗಳಿಗೆ ಹಾನಿ ಮಾಡುವ ಚಟುವಟಿಕೆಗಳಿಗೆ ಅವಕಾಶ ನೀಡಿದಂತಾಗಿದೆ. ನಿರ್ಣಾಯಕ ಆನೆ ಕಾರಿಡಾರ್‌ಗಳು ಮತ್ತು ಕಾವೇರಿ ಧಾಮದೊಳಗಿನ ಸೂಕ್ಷ್ಮ ಪ್ರದೇಶಗಳನ್ನು ಈ ಕಡಿತದಿಂದ ಹೊರಗಿಡಲಾಗಿದೆ.

ಆನೆ ಕಾರಿಡಾರ್: ಸಂರಕ್ಷಣೆಯ ಹೃದಯ ಬಡಿತ

ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನ (BNP) ಒಂದು ಪ್ರಮುಖ ಆನೆ ಕಾರಿಡಾರ್‌ನ ಭಾಗ. ಈ ಕಾರಿಡಾರ್‌ಗಳು ಕೇವಲ ದಾರಿಗಳಲ್ಲ; ಅವು ಜೀವವೈವಿಧ್ಯತೆಯನ್ನು ಕಾಪಾಡಿಕೊಳ್ಳಲು, ಆನೆ ಸಮೂಹಗಳ ನಡುವೆ ಆರೋಗ್ಯಕರ ಆನುವಂಶಿಕ ವೈವಿಧ್ಯತೆಯನ್ನು ಉತ್ತೇಜಿಸಲು ಮತ್ತು ಮಾನವ ವಸಾಹತುಗಳೊಂದಿಗೆ ಸಂಘರ್ಷವನ್ನು ತಗ್ಗಿಸಲು ಅತ್ಯಗತ್ಯ. ಆನೆಗಳು "ಪರಿಸರ ವ್ಯವಸ್ಥೆಯ ಎಂಜಿನಿಯರ್‌ಗಳು" ಆಗಿವೆ. ಬೀಜಗಳನ್ನು ಹರಡುವ ಮೂಲಕ ಮತ್ತು ಸಸ್ಯವರ್ಗವನ್ನು ನಿರ್ವಹಿಸುವ ಮೂಲಕ ಅವು ಅರಣ್ಯದ ಆರೋಗ್ಯವನ್ನು ಕಾಪಾಡುತ್ತವೆ. ಕಾರಿಡಾರ್‌ನ ಲಭ್ಯತೆಯನ್ನು ಕಳೆದುಕೊಳ್ಳುವುದು ಆನೆಗಳು ಮತ್ತು ಸಂಪೂರ್ಣ ಪರಿಸರ ವ್ಯವಸ್ಥೆಯ ದೀರ್ಘಾವಧಿಯ ಉಳಿವನ್ನು ಅಪಾಯಕ್ಕೆ ಸಿಲುಕಿಸುತ್ತದೆ.

ಅತಿಕ್ರಮಣ ಮತ್ತು ಭ್ರಷ್ಟಾಚಾರದ ಕರಿನೆರಳು

ESZ ಕಡಿತದ ಜೊತೆಗೆ, ಬನ್ನೇರುಘಟ್ಟದ ಸುತ್ತಮುತ್ತಲಿನ ಅರಣ್ಯ ಭೂಮಿಯ ಅತಿಕ್ರಮಣವು ಪರಿಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಿದೆ. ಉದಾಹರಣೆಗೆ, ಗುಳೀಕಮಾಲೆ ಗ್ರಾಮದ ಸುಮಾರು ೨೩೨ ಎಕರೆ ಅರಣ್ಯ ಭೂಮಿಯನ್ನು ರಾಜಕೀಯ ಮತ್ತು ಅಧಿಕಾರಿಗಳ ಹಸ್ತಕ್ಷೇಪದಿಂದಾಗಿ ಕಂದಾಯ ಭೂಮಿಯಾಗಿ ಪರಿವರ್ತಿಸಲಾಗಿದೆ. ಈ ಭೂಮಿ BNP ಯ ಪ್ರಮುಖ ಬಫರ್ ವಲಯವಾಗಿತ್ತು ಮತ್ತು ಆನೆಗಳಿಗೆ ಮಹತ್ವದ ತಂಗುದಾಣವಾಗಿ ಕಾರ್ಯನಿರ್ವಹಿಸುತ್ತಿತ್ತು. ಭೂ ಮಾಫಿಯಾಗಳು ಮತ್ತು ರಿಯಲ್ ಎಸ್ಟೇಟ್ ಡೆವಲಪರ್‌ಗಳು ಈ ವನ್ಯಜೀವಿ ಕಾರಿಡಾರ್‌ಗಳನ್ನು ಗೇಟೆಡ್ ಸಮುದಾಯಗಳಾಗಿ ಪರಿವರ್ತಿಸುತ್ತಿದ್ದಾರೆ.

ತುರ್ತು ಕ್ರಮ ಅನಿವಾರ್ಯ

ಬನ್ನೇರುಘಟ್ಟ ಪ್ರಕೃತಿ ಸಂರಕ್ಷಣಾ ಟ್ರಸ್ಟ್‌ನಂತಹ ವನ್ಯಜೀವಿ ಕಾರ್ಯಕರ್ತರು ಅತಿಕ್ರಮಣ ಮತ್ತು ನಿರ್ಬಂಧಿತ ಚಟುವಟಿಕೆಗಳ ಬಗ್ಗೆ ನಿರಂತರವಾಗಿ ದೂರುಗಳನ್ನು ನೀಡುತ್ತಿದ್ದಾರೆ. ಅವರು ಕರ್ನಾಟಕದ ಉಚ್ಚ ನ್ಯಾಯಾಲಯದಲ್ಲಿ ರಿಟ್ ಅರ್ಜಿಯನ್ನು (ಸಂಖ್ಯೆ: ೪೭/೨೦೨೦) ಸಹ ದಾಖಲಿಸಿದ್ದಾರೆ. ಈ ಎಲ್ಲ ಪ್ರಯತ್ನಗಳ ಹೊರತಾಗಿಯೂ, ಸಂಬಂಧಿಸಿದ ಅಧಿಕಾರಿಗಳು ಪರಿಸರ ಸೂಕ್ಷ್ಮ ವಲಯಗಳ ಮಹತ್ವವನ್ನು, ಆವಾಸಸ್ಥಾನ ಸಂರಕ್ಷಣೆಯನ್ನು, ಮತ್ತು ಮನುಷ್ಯ-ಪ್ರಾಣಿ ಸಂಘರ್ಷವನ್ನು ತಗ್ಗಿಸುವ ಸಹಬಾಳ್ವೆಯ ಕ್ರಮಗಳನ್ನು ನಿರ್ಲಕ್ಷಿಸಿದ್ದಾರೆ.

BNP ಯ ಉಳಿವಿಗಾಗಿ, "ಹಕ್ಕಿನ ಹಾದಿ" ಯನ್ನು ಮರುಸ್ಥಾಪಿಸುವುದು ನಮ್ಮ ಬೇಡಿಕೆ. ಸರ್ಕಾರವು ತಕ್ಷಣವೇ: ೧. ಪರಿಸರ ಸೂಕ್ಷ್ಮ ವಲಯದ ವ್ಯಾಪ್ತಿಯನ್ನು ವೈಜ್ಞಾನಿಕ ಆಧಾರದ ಮೇಲೆ ಪುನರ್ಸ್ಥಾಪಿಸಬೇಕು. ೨. ಆನೆ ಕಾರಿಡಾರ್‌ಗಳ ಸಂರಕ್ಷಣೆಯನ್ನು ಖಚಿತಪಡಿಸಬೇಕು. ೩. ಅರಣ್ಯ ಭೂಮಿ ಅತಿಕ್ರಮಣದಲ್ಲಿ ಭಾಗಿಯಾದವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು ಎಂಬುದಾಗಿ ವನ್ಯಜೀವಿ ಕಾರ್ಯಕರ್ತರು ಆಗ್ರಹಿಸಿದ್ದಾರೆ.

ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನವು ಕೇವಲ ಒಂದು ಅರಣ್ಯ ಪ್ರದೇಶವಲ್ಲ, ಅದು ನಮ್ಮ ಜೀವವೈವಿಧ್ಯದ ಆಸ್ತಿ. ಈ ಮೌನ ಗೋಳಾಟಕ್ಕೆ ನಾವು ಈಗಲೇ ಸ್ಪಂದಿಸದಿದ್ದರೆ, ಮುಂದಿನ ಪೀಳಿಗೆಗೆ ಹೇಳಲು ಕೇವಲ ಕಥೆಗಳು ಮಾತ್ರ ಉಳಿಯಬಹುದು.

PARYAYA: ಆನೆಗಳು ಕೇಳುತ್ತಿವೆ: ನಮ್ಮ ದಾರಿ ನಮಗೆ ಬಿಡಿ!:  ಆನೆಗಳು ಕೇಳುತ್ತಿವೆ: ನಮ್ಮ ದಾರಿ ನಮಗೆ ಬಿಡಿ! ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನದ ಮೌನ ಗೋಳಾಟ ! ಭೂಮಾಫಿಯಾ ಕಣ್ಣು, ಮಾನವ ಅತಿಕ್ರಮಣ , ಪರಿಸರ ಸೂಕ್ಷ್ಮ ವಲಯದ ಕ...

PARYAYA: ರಾಜ್ಯೋತ್ಸವ ಕಳೆಗಟ್ಟಿಸಿದ ಚಿಣ್ಣರ ʼಅಭಿಮನ್ಯು ಕಾಳಗʼ

 ರಾಜ್ಯೋತ್ಸವ ಕಳೆಗಟ್ಟಿಸಿದ ಚಿಣ್ಣರ ʼಅಭಿಮನ್ಯು ಕಾಳಗʼ

ಬೆಂಗಳೂರಿನಲ್ಲಿ ರಾಜ್ಯೋತ್ಸವ ಅಂದರೆ ನೆನಪಾಗುವುದು  ಭಾಷಣ, ನಾಟಕ,ಸಂಗೀತ, ನೃತ್ಯ.

ಆದರೆ, ರಾಮಕೃಷ್ಣ ಹೆಗಡೆ ನಗರ, ಜಕ್ಕೂರಿಗೆ ಸಮೀಪದ ಅಮೃತಹಳ್ಳಿಯ ತಲಕಾವೇರಿ ಬಡಾವಣೆಯಲ್ಲಿ ಈ ಬಾರಿಯ ರಾಜ್ಯೋತ್ಸವ ವಿಶೇಷವಾಗಿತ್ತು. ಈ ಬಡಾವಣೆಯ ಪುಟ್ಟ ಮಕ್ಕಳು ಬಣ್ಣ ಬಣ್ಣದ ವೇಷ ತೊಟ್ಟು, ಕಾಲಿಗೆ ಗೆಜ್ಜೆ ಕಟ್ಟಿಕೊಂಡು ಪೌರಾಣಿಕ ಪ್ರಸಂಗದ ಪಾತ್ರಧಾರಿಗಳಾಗಿ ಯಕ್ಷ ರಂಗಭೂಮಿಯಲ್ಲಿ ಮಿಂಚಿದರು.

ಕೇವಲ ೧೦ರಿಂದ ೧೫ದಿನಗಳ ಅವಧಿಯ ತರಬೇತಿಯಲ್ಲಿ ಯಕ್ಷಗಾನದ ಭಾಗವತಿಕೆಗೆ ಹೆಜ್ಜೆ ಹಾಕಿ ಅದ್ಭುತ ಪ್ರದರ್ಶನ ನೀಡಿದರು. ʼಅಭಿಮನ್ಯು ಕಾಳಗʼವನ್ನು ಪ್ರದರ್ಶಿಸಿ ಪ್ರೇಕ್ಷಕರನ್ನು ಹುಚ್ಚೆಬ್ಬಿಸಿದರು.

ʼಯಕ್ಷ ಕಲಾ ಕೌಸ್ತುಭʼದ ಯಕ್ಷಗುರು ಉಮೇಶ ರಾಜ್‌ ಮಂದಾರ್ತಿ ಅವರ ನಿರ್ದೇಶನ ಮತ್ತು ಅವರ ತಂಡದ ಸದಸ್ಯರ ಸಹಕಾರದೊಂದಿಗೆ ತಲಕಾವೇರಿ ಬಡಾವಣೆಯ ʼಅಭಿಮನ್ಯು ಕಾಳಗʼ ಯಕ್ಷಗಾನ ಎಲ್ಲರ ಮನ ಸೆಳೆಯಿತು.

ಉಮೇಶ ರಾಜ್‌ ಮಂದಾರ್ತಿ ಅವರು ಬೆಂಗಳೂರು ರಾಮಕೃಷ್ಣ ಹೆಗಡೆ ನಗರದ ಶ್ರೀ ಬಾಲಾಜಿ ಕೃಪಾ ಬಡಾವಣೆಯ ಶ್ರೀ ಬಾಲಾಜಿ ಮಹಾಗಣಪತಿ, ವೆಂಕಟೇಶ್ವರ, ಅಭಯ ಆಂಜನೇಯ ಸ್ವಾಮಿ ದೇವಸ್ಥಾನದ ಆವರಣದಲ್ಲಿ ಪ್ರತಿ ಭಾನುವಾರ ಮಕ್ಕಳಿಗೆ ಯಕ್ಷಗಾನ ಹೇಳಿಕೊಡುತ್ತಿದ್ದಾರೆ.

ʼಅಭಿಮನ್ಯು ಕಾಳಗʼ ಪ್ರದರ್ಶನಕ್ಕೆ ನಾಲ್ಕೈದು ತಾಸು ಮುಂಚಿತವಾಗಿಯೇ ರಂಗಭೂಮಿಯ ಸಮೀಪದ ʼಚೌಕಿʼಯಲ್ಲಿ ಮಕ್ಕಳು ವೇಷಭೂಷಣ ತೊಟ್ಟುಕೊಳ್ಳುತ್ತಿದ್ದ ಸಡಗರದ ಚಿತ್ರಗಳು, ಚೌಕಿ ಪೂಜೆಯ ವಿಡಿಯೋ ಸೇರಿದಂತೆ ʼಅಭಿಮನ್ಯು ಕಾಳಗʼದ ಎರಡು ಭಾಗಗಳು ಇಲ್ಲಿವೆ.

ಕೆಳಗಿನ ಚಿತ್ರಗಳನ್ನು ಕ್ಲಿಕ್‌ ಮಾಡುವ ಮೂಲಕ ಯಕ್ಷಗಾನ ಪ್ರಸಂಗವನ್ನು ಪೂರ್ತಿಯಾಗಿ ಇಲ್ಲಿ 👇 ವೀಕ್ಷಿಸಬಹುದು.

ಭಾಗ ೧ ಯು ಟ್ಯೂಬ್‌ ಲಿಂಕ್:‌ https://youtu.be/1LFnZpXOnlQ

ಭಾಗ ೨ ಯು ಟ್ಯೂಬ್‌ ಲಿಂಕ್‌: https://youtu.be/yl-0kIOX3HQ

ಅಥವಾ PARYAYA.COMನ  ಯಕ್ಷಗಾನ ತಾಳಮದ್ದಳೆ ಪುಟ ಕ್ಲಿಕ್‌ ಮಾಡಿರಿ.
ಇನ್ನೊಂದು ವಿಡಿಯೋ ನೋಡಲು ಈ ಲಿಂಕ್‌ ಕ್ಲಿಕ್‌ ಮಾಡಿರಿ.

PARYAYA: ರಾಜ್ಯೋತ್ಸವ ಕಳೆಗಟ್ಟಿಸಿದ ಚಿಣ್ಣರ ʼಅಭಿಮನ್ಯು ಕಾಳಗʼ:   ರಾಜ್ಯೋತ್ಸವ ಕಳೆಗಟ್ಟಿಸಿದ ಚಿಣ್ಣರ ʼ ಅಭಿಮನ್ಯು ಕಾಳಗ ʼ ಬೆಂ ಗಳೂರಿನಲ್ಲಿ ರಾಜ್ಯೋತ್ಸವ ಅಂದರೆ ನೆನಪಾಗುವುದು   ಭಾಷಣ, ನಾಟಕ,ಸಂಗೀತ, ನೃತ್ಯ. ಆದರೆ, ರಾಮಕೃಷ್ಣ ಹೆ...

PARYAYA: ಧರ್ಮ ಧ್ವಜಾರೋಹಣ: ಅಯೋಧ್ಯೆ ಈಗ ಸಂಪೂರ್ಣ!

ಧರ್ಮ ಧ್ವಜಾರೋಹಣ: ಅಯೋಧ್ಯೆ ಈಗ ಸಂಪೂರ್ಣ!

ಪ್ರಧಾನಿ ನರೇಂದ್ರ ಮೋದಿ ಅವರು ಅಯೋಧ್ಯೆಯ ಶ್ರೀ ರಾಮ ಜನ್ಮಭೂಮಿ ಮಂದಿರದಲ್ಲಿ 2025 ನವೆಂಬರ್‌ 25ರ ಸೋಮವಾರ ಧರ್ಮ ಧ್ವಜವನ್ನು ಹಾರಿಸಿದರು.

ಇದರೊಂದಿಗೆ ದೇವಾಲಯ ನಿರ್ಮಾಣದ ಆಚರಣೆಯ ಪ್ರತಿವಿಧಿಯೂ ಶುದ್ಧತೆ ಮತ್ತು ಶ್ರದ್ಧೆಯೊಂದಿಗೆ ಸಂಪೂರ್ಣಗೊಂಡಿತು.

ಈ ಕ್ಷಣವು ಕೋಟ್ಯಂತರ ಜನರ ಭಕ್ತಿ ಮತ್ತು ತಲೆತಲಾಂತರದ ಪ್ರಾರ್ಥನೆಗಳಿಂದ ಸಂಪನ್ನಗೊಂಡಿದೆ.

ಯಾವುದೇ ದೇವಾಲಯದ ಆಚರಣೆಗಳು ಅಂತಿಮ ಹಂತಕ್ಕೆ ತಲುಪಿದಾಗ, ಪ್ರತಿ ವಿಧಿಯು ಶುದ್ಧತೆ ಮತ್ತು ಶ್ರದ್ಧೆಯಿಂದ ಸಂಪೂರ್ಣಗೊಂಡಿದೆ ಎಂಬುದನ್ನು ಸೂಚಿಸಲು ಈ ಪವಿತ್ರ ಧ್ವಜವನ್ನು ಏರಿಸಲಾಗುತ್ತದೆ.

ಶ್ರೀರಾಮ ಮತ್ತು ಸೀತಾಮಾತೆಯ ಕಲ್ಯಾಣ ಸಂಪನ್ನಗೊಂಡ ದಿನ ಎಂಬುದಾಗಿ ನಂಬಲಾಗಿರುವ ಈದಿನ ನಡೆದ ಈ ಸಮಾರಂಭದೊಂದಿಗೆ, ಶ್ರೀ ರಾಮ ಜನ್ಮಭೂಮಿ ಮಂದಿರವು ಈಗ ವಿಧ್ಯುಕ್ತವಾಗಿ ಪೂರ್ಣಗೊಂಡಿತು. ಇದು ಪ್ರತಿಯೊಬ್ಬ ಭಕ್ತನ ಹೃದಯವನ್ನೂ ಭಾವನೆಗಳಿಂದ ತುಂಬುವಂತೆ ಮಾಡಿತು.

ಧರ್ಮಧ್ವಜಾರೋಹಣದ ಈ ಸಂದರ್ಭಕ್ಕೆ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌, ನೂರಾರು ಮಂದಿ ಸಂತರು ಸೇರಿದಂತೆ ಸಹಸ್ರಾರು ಗಣ್ಯರು ಸಾಕ್ಷಿಯಾದರು.

(ವೀಡಿಯೊ ಕೃಪೆ: Instagram ನಲ್ಲಿ MyGovindia)

PARYAYA: ಧರ್ಮ ಧ್ವಜಾರೋಹಣ: ಅಯೋಧ್ಯೆ ಈಗ ಸಂಪೂರ್ಣ!: ಧರ್ಮ ಧ್ವಜಾರೋಹಣ: ಅಯೋಧ್ಯೆ ಈಗ ಸಂಪೂರ್ಣ! ಪ್ರ ಧಾ ನಿ ನರೇಂದ್ರ ಮೋದಿ ಅವರು ಅಯೋಧ್ಯೆಯ ಶ್ರೀ ರಾಮ ಜನ್ಮಭೂಮಿ ಮಂದಿರದಲ್ಲಿ 2025 ನವೆಂಬರ್‌ 25ರ ಸೋಮವಾರ ಧರ್ಮ ಧ್ವಜವನ್ನ...

PARYAYA: ಭಾರತೀಯ ಚಿತ್ರರಂಗದ 'ಹೀ-ಮ್ಯಾನ್' ನಟ ಧರ್ಮೇಂದ್ರ ಇನ್ನಿಲ್ಲ

 ಭಾರತೀಯ ಚಿತ್ರರಂಗದ 'ಹೀ-ಮ್ಯಾನ್' ನಟ ಧರ್ಮೇಂದ್ರ ಇನ್ನಿಲ್ಲ

ಭಾರತೀಯ ಚಿತ್ರ ರಂಗದ ʼಹಿ ಮ್ಯಾನ್‌ʼ ಎಂದೇ ಪರಿಚಿತರಾದ ನಟ ಧರ್ಮೇಂದ್ರ ಅವರು ಅಲ್ಪ ಕಾಲದ ಅಸ್ವಸ್ಥತೆಯ ಬಳಿಕ 2025 ನವೆಂಬರ್‌ 24ರ ಸೋಮವಾರ ಮುಂಬೈಯಲ್ಲಿ ನಿಧನರಾದರು. ಅವರಿಗೆ 89 ವರ್ಷ ವಯಸ್ಸಾಗಿತ್ತು.

300ಕ್ಕೂ ಹೆಚ್ಚಿನ ಚಿತ್ರಗಳಲ್ಲಿ ನಟಿಸಿದ್ದ ಧರ್ಮೇಂದ್ರ ಅವರು ಪತ್ನಿ ಹೇಮಾ ಮಾಲಿನಿ, ಪುತ್ರರಾದ ಸನ್ನಿ ಡಿಯೋಲ್‌, ಬಾಬು ಡಿಯೋಲ್‌, ಪುತ್ರಿಯರಾದ ವಿಜೇತಾ, ಅಜೀತಾ, ಇಶಾ ಮತ್ತು ಅಹಾನಾ ಅವರನ್ನು ಅಗಲಿದ್ದಾರೆ.

ಧರ್ಮೇಂದ್ರ ಕೇವಲ್ ಕೃಷ್ಣ ಡಿಯೋಲ್ (ಡಿಸೆಂಬರ್ 8, 1935 – ನವೆಂಬರ್ 24, 2025) ಅವರು ಕೇವಲ ಧರ್ಮೇಂದ್ರ ಎಂಬ ಏಕನಾಮದಿಂದಲೇ ಚಿರಪರಿಚಿತರಾಗಿದ್ದರು. ಅವರು ಪ್ರಧಾನವಾಗಿ ಹಿಂದಿ ಚಲನಚಿತ್ರಗಳಲ್ಲಿನ ತಮ್ಮ ಅದ್ಭುತ ಕೆಲಸಕ್ಕೆ ಹೆಸರುವಾಸಿಯಾದ ಭಾರತೀಯ ನಟ, ನಿರ್ಮಾಪಕ ಮತ್ತು ರಾಜಕಾರಣಿಯಾಗಿದ್ದರು. ೨೦೦೪ರಲ್ಲಿ ರಾಜಸ್ಥಾನದ ಬಿಕಾನೇರ್‌ ಲೋಕಸಭಾ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಜಯ ಗಳಿಸಿದ್ದರು.

ಇಡೀ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲೇ ಅತ್ಯಂತ ಶ್ರೇಷ್ಠ, ಅತಿ ಹೆಚ್ಚು ಆಕರ್ಷಕ ಮತ್ತು ವಾಣಿಜ್ಯಿಕವಾಗಿ ಅತ್ಯಂತ ಯಶಸ್ವಿ ಚಲನಚಿತ್ರ ತಾರೆಯರಲ್ಲಿ ಧರ್ಮೇಂದ್ರ ಅವರನ್ನು ಒಬ್ಬರೆಂದು ಪರಿಗಣಿಸಲಾಗಿದೆ.

🎥 ದಾಖಲೆಯ ಯಶಸ್ಸು ಮತ್ತು ದಂತಕಥೆಯ ವೃತ್ತಿಜೀವನ

• 65 ವರ್ಷಗಳ ವಿಸ್ತಾರವಾದ ವೃತ್ತಿಜೀವನದಲ್ಲಿ, ಅವರು 300ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ. ಹಿಂದಿ ಚಿತ್ರರಂಗದಲ್ಲಿ ಅತಿ ಹೆಚ್ಚು ಹಿಟ್ ಚಲನಚಿತ್ರಗಳಲ್ಲಿ ನಟಿಸಿದ ದಾಖಲೆಯನ್ನು ಅವರು ಹೊಂದಿದ್ದಾರೆ.
• 1960 ರಲ್ಲಿ ದಿಲ್ ಭಿ ತೇರಾ ಹಮ್ ಭಿ ತೇರೆ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಧರ್ಮೇಂದ್ರ ಅವರು, 1960 ರ ದಶಕದ ಮಧ್ಯಭಾಗದಲ್ಲಿ ಆಯೀ ಮಿಲನ್ ಕಿ ಬೇಲಾ, ಫೂಲ್ ಔರ್ ಪತ್ಥರ್ ಮತ್ತು ಆಯೇ ದಿನ್ ಬಹಾರ್ ಕೆ ಇತ್ಯಾದಿ ಚಿತ್ರಗಳ ಮೂಲಕ ಜನಪ್ರಿಯತೆ ಗಳಿಸಿದರು.
• ಮುಂದಿನ ವರ್ಷಗಳಲ್ಲಿ ಅವರು ಉನ್ನತ ಮಟ್ಟದ ನಟನೆಯಿಂದ, ಹಿಂದಿ ಚಲನಚಿತ್ರಗಳಲ್ಲಿನ ತಮ್ಮ ವಿಶಿಷ್ಟ ಪಾತ್ರಗಳಿಗಾಗಿ ಭಾರತದ "ಹೀ-ಮ್ಯಾನ್" ಎಂದು ಅಡ್ಡಹೆಸರನ್ನು ಪಡೆದರು.

💫 ಮರೆಯಲಾಗದ ಸಿನಿಮಾಗಳು

ಧರ್ಮೇಂದ್ರ ಅವರು 1960 ರ ದಶಕದ ಉತ್ತರಾರ್ಧದಿಂದ 1980 ರ ದಶಕದವರೆಗೆ ಸತತವಾಗಿ ಹಲವಾರು ಯಶಸ್ವಿ ಹಿಂದಿ ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವುಗಳಲ್ಲಿ ಆಂಖೇಂ, ಶಿಕಾರ್, ಆಯಾ ಸಾವನ್ ಝೂಮ್ ಕೆ, ಜೀವನ್ ಮೃತ್ಯು, ಮೇರಾ ಗಾಂವ್ ಮೇರಾ ದೇಶ್, ಸೀತಾ ಔರ್ ಗೀತಾ, ರಾಜಾ ಜಾನಿ, ಜುಗ್ನು, ಯಾದೋಂ ಕಿ ಬಾರಾತ್, ದೋಸ್ತ್, ಶೋಲೆ, ಪ್ರತಿಜ್ಞಾ, ಚರಸ್, ಧರಮ್ ವೀರ್, ಚಾಚಾ ಭತೀಜಾ, ಗುಲಾಮಿ, ಹುಕುಮತ್, ಆಗ್ ಹಿ ಆಗ್, ಐಲಾನ್-ಎ-ಜಂಗ್ ಮತ್ತು ತಹಲ್ಕಾ ಪ್ರಮುಖವಾಗಿವೆ.

ಅವರ ಅಭಿನಂದನಾರ್ಹ ಪ್ರದರ್ಶನಗಳಲ್ಲಿ ಅನ್ಪಢ್, ಬಂದಿನಿ, ಹಕೀಕತ್, ಅನುಪಮಾ, ಮಮತಾ, ಮಜ್ಲಿ ದೀದಿ, ಸತ್ಯಕಾಮ್, ನಯಾ ಜಮಾನಾ, ಸಮಾಧಿ, ರೇಶಮ್ ಕಿ ಡೋರಿ, ಚುಪ್ಕೆ ಚುಪ್ಕೆ, ದಿಲ್ಲಿಗಿ, ದಿ ಬರ್ನಿಂಗ್ ಟ್ರೇನ್, ಗಜಬ್, ದೋ ದಿಶಾಯೇಂ ಮತ್ತು ಹಥಿಯಾರ್ ಸೇರಿವೆ.

PARYAYA: ಭಾರತೀಯ ಚಿತ್ರರಂಗದ 'ಹೀ-ಮ್ಯಾನ್' ನಟ ಧರ್ಮೇಂದ್ರ ಇನ್ನಿಲ್ಲ:   ಭಾರತೀಯ ಚಿತ್ರರಂಗದ ' ಹೀ-ಮ್ಯಾನ್ ' ನಟ ಧರ್ಮೇಂದ್ರ ಇನ್ನಿಲ್ಲ ಭಾ ರತೀಯ ಚಿತ್ರ ರಂಗದ ʼ ಹಿ ಮ್ಯಾನ್‌ ʼ ಎಂದೇ ಪರಿಚಿತರಾದ ನಟ ಧರ್ಮೇಂದ್ರ ಅವರು ಅಲ್ಪ ಕಾಲದ...

PARYAYA: ಕಾರ್ತೀಕ ದೀಪೋತ್ಸವ

 ಕಾರ್ತೀಕ ದೀಪೋತ್ಸವ

ಬೆಂಗಳೂರು ರಾಮಕೃಷ್ಣ ಹೆಗಡೆ ನಗರದ ಶ್ರೀ ಬಾಲಾಜಿ ಕೃಪಾ ಬಡಾವಣೆಯ ಶ್ರೀ ಬಾಲಾಜಿ ಮಹಾಗಣಪತಿ, ವೆಂಕಟೇಶ್ವರ, ಅಭಯ ಆಂಜನೇಯಸ್ವಾಮಿ ದೇವಸ್ಥಾನದಲ್ಲಿ ಕಾರ್ತೀಕ ಮಾಸದ ಕೊನೆಯ ಸೋಮವಾರ (೨೦೨೫ ನವೆಂಬರ್‌ ೧೭) ಕಾರ್ತೀಕ ದೀಪೋತ್ಸವವನ್ನು ಸಂಭ್ರಮದೊಂದಿಗೆ ನೆರವೇರಿಸಲಾಯಿತು.

ಈ ಸಂದರ್ಭದ ಕೆಲವು ಚಿತ್ರಗಳು ಹಾಗೂ ವಿಡಿಯೋ ಇಲ್ಲಿದೆ.

PARYAYA: ಕಾರ್ತೀಕ ದೀಪೋತ್ಸವ:   ಕಾರ್ತೀಕ ದೀಪೋತ್ಸವ ಬೆಂ ಗಳೂರು ರಾಮಕೃಷ್ಣ ಹೆಗಡೆ ನಗರದ ಶ್ರೀ ಬಾಲಾಜಿ ಕೃಪಾ ಬಡಾವಣೆಯ ಶ್ರೀ ಬಾಲಾಜಿ ಮಹಾಗಣಪತಿ, ವೆಂಕಟೇಶ್ವರ, ಅಭಯ ಆಂಜನೇಯಸ್ವಾಮಿ ದೇವಸ್ಥಾನದಲ್ಲಿ ಕ...

PARYAYA: ಬಿಹಾರ ವಿಧಾನಸಭಾ ಚುನಾವಣೆ -2025: ಅಂತಿಮ ಫಲಿತಾಂಶ

 ಬಿಹಾರ ವಿಧಾನಸಭಾ ಚುನಾವಣೆ -2025: ಅಂತಿಮ ಫಲಿತಾಂಶ

ಬಿಹಾರ ವಿಧಾನಸಭೆ ಮತ್ತು ಇತರ ವಿಧಾನಸಭಾ ಚುನಾವಣೆಗಳ  ಫಲಿತಾಂಶಕ್ಕಾಗಿ ಮೇಲಿನ ಚಿತ್ರ ಕ್ಲಿಕ್‌ ಮಾಡಿ. ಅಥವಾ ಮೇಲಿನ ʼಬಲ್ಲಿರೇನಯ್ಯಾʼ ಪುಟ ಕ್ಲಿಕ್‌ ಮಾಡಿರಿ. ಮೇಲಿನ ಚಿತ್ರದ ಸಮೀಪ ನೋಟಕ್ಕೆ ಚಿತ್ರವನ್ನು ಕ್ಲಿಕ್‌ ಮಾಡಿರಿ.

ಇದನ್ನೂ ಓದಿರಿ:
ಬಿಹಾರ ಅಸೆಂಬ್ಲಿ ಚುನಾವಣಾ ಫಲಿತಾಂಶ
ಲೋಕಸಭಾ ಚುನಾವಣೆ 2029 ?

PARYAYA: ಬಿಹಾರ ವಿಧಾನಸಭಾ ಚುನಾವಣೆ -2025: ಅಂತಿಮ ಫಲಿತಾಂಶ:   ಬಿಹಾರ ವಿಧಾನಸಭಾ ಚುನಾವಣೆ -2025: ಅಂತಿಮ ಫಲಿತಾಂಶ ಬಿ ಹಾರ ವಿಧಾನಸಭೆ ಮತ್ತು ಇತರ ವಿಧಾನಸಭಾ ಚುನಾವಣೆಗಳ ವಿವರವಾದ   ಫಲಿತಾಂಶ ಕ್ಕಾಗಿ ಮೇಲಿನ ಚಿತ್ರ ಕ್ಲಿಕ್‌ ಮಾಡಿ...

PARYAYA: ಬಿಹಾರ ಅಸೆಂಬ್ಲಿ ಚುನಾವಣಾ ಫಲಿತಾಂಶ

ಬಿಹಾರ ಅಸೆಂಬ್ಲಿ ಚುನಾವಣಾ ಫಲಿತಾಂಶ

ಬಿಹಾರ ವಿಧಾನಸಭೆ ಮತ್ತು ಇತರ ವಿಧಾನಸಭಾ ಚುನಾವಣೆಗಳ ಕ್ಷಣ ಕ್ಷಣದ ಫಲಿತಾಂಶಕ್ಕಾಗಿ ಮೇಲಿನ ಚಿತ್ರ ಕ್ಲಿಕ್‌ ಮಾಡಿ. ಅಥವಾ paryaya.com ವೆಬ್‌ ಸೈಟಿನ ʼಬಲ್ಲಿರೇನಯ್ಯಾʼ ಪುಟದ ಚಿತ್ರ ಕ್ಲಿಕ್‌ ಮಾಡಿರಿ.

ಇದನ್ನೂ ಓದಿರಿ:
ಲೋಕಸಭಾ ಚುನಾವಣೆ 2029 ?

PARYAYA: ಬಿಹಾರ ಅಸೆಂಬ್ಲಿ ಚುನಾವಣಾ ಫಲಿತಾಂಶ: ಬಿಹಾರ ಅಸೆಂಬ್ಲಿ ಚುನಾವಣಾ ಫಲಿತಾಂಶ ಬಿ ಹಾರ ವಿಧಾನಸಭೆ ಮತ್ತು ಇತರ ವಿಧಾನಸಭಾ ಚುನಾವಣೆಗಳ ಕ್ಷಣ ಕ್ಷಣದ ಫಲಿತಾಂಶಕ್ಕಾಗಿ ಮೇಲಿನ ಚಿತ್ರ ಕ್ಲಿಕ್‌ ಮಾಡಿ. ಅಥವಾ ಮೇಲಿನ ʼ ...

PARYAYA: ಈ ಹಾಡು ವಿವಾದ ಆಗಬೇಕೇ?

 ಈ ಹಾಡು ವಿವಾದ ಆಗಬೇಕೇ?

ಬೆಂಗಳೂರು- ಎರ್ನಾಕುಳಂ ನಡುವೆ ಸಂಚರಿಸುವ ನೂತನ ವಂದೇ ಭಾರತ್‌ ರೈಲು ಸೇರಿದಂತೆ ನಾಲ್ಕು ವಂದೇ ಭಾರತ್‌ ರೈಲುಗಳಿಗೆ ಪ್ರಧಾನಿ ನರೇಂದ್ರ ಮೋದಿ 2025 ನವೆಂಬರ್‌ 08ರ ಶನಿವಾರ ಹಸಿರು ನಿಶಾನೆ ತೋರಿಸಿ ಚಾಲನೆ ನೀಡಿದರು.

ಈ ರೈಲುಗಳ ಪೈಕಿ ಬೆಂಗಳೂರು – ಎರ್ನಾಕುಳಂ ನಡುವಣ ವಂದೇ ಭಾರತ್‌ ರೈಲುಗಾಡಿಗೆ ಕೇರಳ ಚೆಂಡೆಯ ಸಂಭ್ರಮದೊಂದಿಗೆ ಚಾಲನೆ ಲಭಿಸಿತು. ಈ ಸಂದರ್ಭದಲ್ಲಿ ಕೇರಳದ ಸರಸ್ವತಿ ವಿದ್ಯಾಲಯದ ಮಕ್ಕಳು ತಮ್ಮ ಶಾಲಾ ಗೀತೆಯನ್ನು ರೈಲಿನಲ್ಲಿ ಹಾಡಿದರು.

ಈ ಹಾಡಿನ ವಿಡಿಯೋ ಇದೀಗ ವೈರಲ್‌ ಆಗಿದ್ದು ರಾಜಕೀಯ ಪಕ್ಷಗಳ ನಡುವೆ ಕೆಸರೆರಚಾಟಕ್ಕೆ ಮೂಲವಾಗಿದೆ. ಇದು ಆರೆಸ್ಸೆಸ್‌ ಹಾಡು. ಇದನ್ನು ರೈಲಿನಲ್ಲಿ ಮಕ್ಕಳಿಂದ ಹಾಡಿಸಿದ್ದು ಅಪಾಯಕಾರಿ ಪ್ರವೃತ್ತಿ ಎಂಬಿತ್ಯಾದಿಯಾಗಿ ಕೇರಳದ ಮುಖ್ಯಮಂತ್ರಿ ಮಾತನಾಡಿದ್ದಾರೆ. ಇತರ ಹಲವರೂ ಅವರ ಟೀಕೆಗೆ ದನಿಗೂಡಿದ್ದಾರೆ.

ಆದರೆ ಇದು ತಮ್ಮ ಶಾಲೆಯ ಶಾಲಾಗೀತೆ. ಯಾವ ಸಂಘಟನೆಯ ಹಾಡೂ ಅಲ್ಲ ಎಂಬುದಾಗಿ ಸರಸ್ವತಿ ವಿದ್ಯಾಲಯ ಸ್ಪಷ್ಟ ಪಡಿಸಿದೆ. ಆದರೂ ರಾಜಕೀಯ ನಾಯಕರ ಪರಸ್ಪರ ಕೆಸರೆರಚಾಟ ಮುಂದುವರೆದಿದೆ.

ಈ ಹಾಡನ್ನು ಇಲ್ಲಿ ಪೂರ್ತಿಯಾಗಿ ಆಲಿಸಿ. ಈ ಹಾಡೂ ವಿವಾದದ ಕೇಂದ್ರವಾಗಬೇಕೇ?

PARYAYA: ಈ ಹಾಡು ವಿವಾದ ಆಗಬೇಕೇ?:   ಈ ಹಾಡು ವಿವಾದ ಆಗಬೇಕೇ? ಬೆಂ ಗಳೂರು- ಎರ್ನಾಕುಳಂ ನಡುವೆ ಸಂಚರಿಸುವ ನೂತನ ವಂದೇ ಭಾರತ್‌ ರೈಲು ಸೇರಿದಂತೆ ನಾಲ್ಕು ವಂದೇ ಭಾರತ್‌ ರೈಲುಗಳಿಗೆ ಪ್ರಧಾನಿ ನರೇಂದ್ರ ಮೋದಿ ...

 ಸ್ವಚ್ಛತೆಯ ಪರಿಶುದ್ಧ ಪಾಠ..

ಸಂಪೂರ್ಣ ವಿವರಕ್ಕೆ ಮೇಲಿನ ಚಿತ್ರ ಕ್ಲಿಕ್‌ ಮಾಡಿ ನೋಡಿ. ಅಥವಾ ಪರ್ಯಾಯ.ಕಾಮ್‌ ನ ವಾಟ್‌ ಸುದ್ದಿ ಪುಟ ಕ್ಲಿಕ್‌ ಮಾಡಿ ನೋಡಿ.

PARYAYA: ಕಾರ್ತೀಕ ಮಾಸದ ಸಂಕಷ್ಟಿ ಪೂಜಾ

 ಕಾರ್ತೀಕ ಮಾಸದ ಸಂಕಷ್ಟಿ ಪೂಜಾ

ಬೆಂಗಳೂರು ರಾಮಕೃಷ್ಣ ಹೆಗಡೆ ನಗರದ ಶ್ರೀ ಬಾಲಾಜಿ ಕೃಪಾ ಬಡಾವಣೆಯ ಶ್ರೀ ಬಾಲಾಜಿ ಮಹಾಗಣಪತಿ, ವೆಂಕಟೇಶ್ವರ, ಅಭಯ ಆಂಜನೇಯ ಸ್ವಾಮಿ ದೇವಸ್ಥಾನದಲ್ಲಿ ೨೦೨೫ ನವೆಂಬರ್‌ ೦೮ರ ಶನಿವಾರ ಕಾರ್ತೀಕ ಮಾಸದ ಸಂಕಷ್ಟಿ ಪೂಜೆಯನ್ನು ಶ್ರದ್ಧಾ ಭಕ್ತಿಗಳೊಂದಿಗೆ ನೆರವೇರಿಸಲಾಯಿತು.

ಈ ಸಂದರ್ಭದ ಕೆಲವು ಚಿತ್ರ ಹಾಗೂ ವಿಡಿಯೋಗಳು ಇಲ್ಲಿವೆ.

PARYAYA: ಕಾರ್ತೀಕ ಮಾಸದ ಸಂಕಷ್ಟಿ ಪೂಜಾ:   ಕಾರ್ತೀಕ ಮಾಸದ ಸಂಕಷ್ಟಿ ಪೂಜಾ ಬೆಂ ಗಳೂರು ರಾಮಕೃಷ್ಣ ಹೆಗಡೆ ನಗರದ ಶ್ರೀ ಬಾಲಾಜಿ ಕೃಪಾ ಬಡಾವಣೆಯ ಶ್ರೀ ಬಾಲಾಜಿ ಮಹಾಗಣಪತಿ, ವೆಂಕಟೇಶ್ವರ, ಅಭಯ ಆಂಜನೇಯ ಸ್ವಾಮಿ ದೇವಸ್...

PARYAYA: ರಾಷ್ಟ್ರಗೀತೆ "ವಂದೇ ಮಾತರಂ"ಗೆ ೧೫೦ರ ಸಂಭ್ರಮ

 ರಾಷ್ಟ್ರಗೀತೆ "ವಂದೇ ಮಾತರಂ"ಗೆ ೧೫೦ರ ಸಂಭ್ರಮ

ಸ್ಮರಣಾರ್ಥ ಉತ್ಸವ ಕ್ಕೆ ಪ್ರಧಾನಿ ಚಾಲನೆ

ಭಾರತದ ರಾಷ್ಟ್ರಗೀತೆ ʼವಂದೇ ಮಾತರಂʼನ ೧೫೦ನೇ ವರ್ಷಾಚರಣೆ ಸ್ಮರಣಾರ್ಥ ಉತ್ಸವಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ೨೦೨೫ ನವೆಂಬರ್‌ ೭ರ ಶುಕ್ರವಾರ ಚಾಲನೆ ನೀಡಿದರು.

ಸಂಸ್ಕೃತಿ ಸಚಿವಾಲಯವು ನವದೆಹಲಿಯ ಇಂದಿರಾ ಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ಆಯೋಜಿಸಿದ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡ ಪ್ರಧಾನಿ ಈ ಶುಭ ಸಮಾರಂಭವನ್ನು ಉದ್ಘಾಟಿಸಿದರು.

ಈ ಕಾರ್ಯಕ್ರಮವು ನವೆಂಬರ್ ೭, ೨೦೨೫ ರಿಂದ ನವೆಂಬರ್ ೭, ೨೦೨೬ ರವರೆಗೆ ಒಂದು ವರ್ಷದ ರಾಷ್ಟ್ರವ್ಯಾಪಿ ಸ್ಮರಣೋತ್ಸವಕ್ಕೆ ಔಪಚಾರಿಕವಾಗಿ ನಾಂದಿ ಹಾಡಿತು. ಭಾರತದ ಸ್ವಾತಂತ್ರ್ಯ ಚಳುವಳಿಗೆ ಸ್ಫೂರ್ತಿ ನೀಡಿದ ಮತ್ತು ರಾಷ್ಟ್ರೀಯ ಹೆಮ್ಮೆ ಹಾಗೂ ಏಕತೆಯನ್ನು ಇಂದಿಗೂ ಜಾಗೃತಗೊಳಿಸುತ್ತಿರುವ ಈ ಕಾಲಾತೀತ ಸಂಯೋಜನೆಗೆ ೧೫೦ ವರ್ಷಗಳು ತುಂಬಿದ ಸಂಭ್ರಮ ಇದು.

🌟 ವಂದೇ ಮಾತರಂ ಇತಿಹಾಸ ಮತ್ತು ಮಹತ್ವ 🌟

೨೦೨೫ ವಂದೇ ಮಾತರಂ ಗೀತೆಗೆ ೧೫೦ ವರ್ಷ ತುಂಬಿದ ವರ್ಷ. ಬಂಕಿಮಚಂದ್ರ ಚಟರ್ಜಿ ಅವರು ರಚಿಸಿದ ನಮ್ಮ "ವಂದೇ ಮಾತರಂ" ರಾಷ್ಟ್ರಗೀತೆಯನ್ನು ೧೮೭೫ ರ ನವೆಂಬರ್ ೭ ರ ಅಕ್ಷಯ ನವಮಿಯ ಶುಭ ಸಂದರ್ಭದಲ್ಲಿ ಬರೆಯಲಾಯಿತು ಎಂದು ನಂಬಲಾಗಿದೆ.

ವಂದೇ ಮಾತರಂ ಮೊದಲು ಬಂಕಿಮಚಂದ್ರ ಅವರ ಕಾದಂಬರಿ ಆನಂದಮಠದ ಭಾಗವಾಗಿ 'ಬಂಗದರ್ಶನ್' ಎಂಬ ಸಾಹಿತ್ಯ ಪತ್ರಿಕೆಯಲ್ಲಿ ಧಾರಾವಾಹಿಯಾಗಿ ಕಾಣಿಸಿಕೊಂಡಿತು ಮತ್ತು ನಂತರ ೧೮೮೨ ರಲ್ಲಿ ಸ್ವತಂತ್ರ ಪುಸ್ತಕವಾಗಿ ಪ್ರಕಟವಾಯಿತು.

ಆ ಅವಧಿಯಲ್ಲಿ ಭಾರತವು ಪ್ರಮುಖ ಸಾಮಾಜಿಕ, ಸಾಂಸ್ಕೃತಿಕ ಮತ್ತು ರಾಜಕೀಯ ಬದಲಾವಣೆಗಳಿಗೆ ಒಳಗಾಗುತ್ತಿತ್ತು ಮತ್ತು ರಾಷ್ಟ್ರೀಯ ಅಸ್ಮಿತೆ ಹಾಗೂ ವಸಾಹತುಶಾಹಿ ಆಡಳಿತಕ್ಕೆ ಪ್ರತಿರೋಧದ ಪ್ರಜ್ಞೆ ಬೆಳೆಯುತ್ತಿತ್ತು. ತಾಯಿಭಾರತಿಯನ್ನು ಶಕ್ತಿ, ಸಮೃದ್ಧಿ ಮತ್ತು ದೈವತ್ವದ ಮೂರ್ತರೂಪವಾಗಿ ಆವಾಹಿಸುವ ಈ ಹಾಡು, ಭಾರತದ ಜಾಗೃತಗೊಂಡ ಏಕತೆ ಮತ್ತು ಆತ್ಮಗೌರವದ ಮನೋಭಾವಕ್ಕೆ ಕಾವ್ಯಾತ್ಮಕ ಅಭಿವ್ಯಕ್ತಿ ನೀಡಿತು. ಶೀಘ್ರದಲ್ಲೇ, ಇದು ರಾಷ್ಟ್ರಭಕ್ತಿಯ ಶಾಶ್ವತ ಸಂಕೇತವಾಯಿತು.

ಜನವರಿ ೨೪, ೧೯೫೦ ರಂದು, ಸಂವಿಧಾನ ಸಭೆಯ ಅಧ್ಯಕ್ಷರಾದ ಡಾ. ರಾಜೇಂದ್ರ ಪ್ರಸಾದ್ ಅವರು, "ವಂದೇ ಮಾತರಂ" ಸ್ವಾತಂತ್ರ್ಯ ಹೋರಾಟದಲ್ಲಿ ಐತಿಹಾಸಿಕ ಪಾತ್ರವನ್ನು ವಹಿಸಿದ್ದರಿಂದ, ಅದಕ್ಕೆ ರಾಷ್ಟ್ರಗೀತೆ "ಜನ ಗಣ ಮನ" ದೊಂದಿಗೆ ಸಮಾನ ಗೌರವ ನೀಡಲಾಗುವುದು ಎಂದು ಘೋಷಿಸಿದರು.

🎤 ಸಮಾರಂಭದ ವಿಶೇಷತೆ: ಸಾಮೂಹಿಕ ಗಾಯನ 🎤

ಪ್ರಧಾನಮಂತ್ರಿಗಳ ಸಮ್ಮುಖದಲ್ಲಿ ನಡೆದ ಮುಖ್ಯ ಕಾರ್ಯಕ್ರಮದಲ್ಲಿ "ವಂದೇ ಮಾತರಂ"ನ ಸಂಪೂರ್ಣ ಆವೃತ್ತಿಯ ಸಾಮೂಹಿಕ ಗಾಯನ ನಡೆಯಿತು. ದೇಶಾದ್ಯಂತ ಇತರೆಡೆಗಳಲ್ಲೂ ವಂದೇ ಮಾತರಂನ ಸಂಪೂರ್ಣ ಆವೃತ್ತಿಯ ಸಾಮೂಹಿಕ ಗಾಯನ ನಡೆಯಿತು.

ಈ ಅಭಿಯಾನದಲ್ಲಿ ಸಾರ್ವಜನಿಕರು, ಶಾಲಾ ಮಕ್ಕಳು, ಕಾಲೇಜು ವಿದ್ಯಾರ್ಥಿಗಳು, ಅಧಿಕಾರಿಗಳು, ಚುನಾಯಿತ ಪ್ರತಿನಿಧಿಗಳು, ಪೊಲೀಸ್ ಸಿಬ್ಬಂದಿ, ವೈದ್ಯರು, ಶಿಕ್ಷಕರು, ಚಾಲಕರು, ಅಂಗಡಿಯವರು ಮತ್ತು ಸಮಾಜದ ಎಲ್ಲ ವರ್ಗಗಳ ಸಂಬಂಧಿತ ಪಾಲುದಾರರು ಭಾಗವಹಿಸಿದರು.

🏛️ ಕೇಂದ್ರ ಸಚಿವ ಸಂಪುಟದ ಅನುಮೋದನೆ 🏛️

ಈ ಐತಿಹಾಸಿಕ ಮತ್ತು ರಾಷ್ಟ್ರೀಯ ಮಹತ್ವವನ್ನು ಗುರುತಿಸಿ, ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸಚಿವ ಸಂಪುಟವು ಅಕ್ಟೋಬರ್ ೧, ೨೦೨೫ ರಂದು ರಾಷ್ಟ್ರಗೀತೆ ವಂದೇ ಮಾತರಂನ ೧೫೦ ವರ್ಷಗಳ ಆಚರಣೆಗಳಿಗೆ ಅನುಮೋದನೆ ನೀಡಿತ್ತು. ನಂತರ, ಅಕ್ಟೋಬರ್ ೨೪, ೨೦೨೫ ರಂದು ರಾಷ್ಟ್ರೀಯ ಅನುಷ್ಠಾನ ಸಮಿತಿಯು ನವೆಂಬರ್ ೭, ೨೦೨೫ ರಿಂದ ನವೆಂಬರ್ ೭, ೨೦೨೬ ರವರೆಗೆ ಒಂದು ವರ್ಷದ ಸ್ಮರಣೋತ್ಸವಕ್ಕೆ ಅನುಮೋದನೆ ನೀಡಿದೆ.

'ವಂದೇ ಮಾತರಂ'ಗೆ ಗೌರವ ನೀಡಿದ ಪರ್ಯಾಯದ ಪರಿ ಇಲ್ಲಿದೆ: ಚಿತ್ರಗಳನ್ನು ಕ್ಲಿಕ್‌  ಮಾಡಿ ನೋಡಿ:

PARYAYA: ರಾಷ್ಟ್ರಗೀತೆ "ವಂದೇ ಮಾತರಂ"ಗೆ ೧೫೦ರ ಸಂಭ್ರಮ:   ರಾಷ್ಟ್ರಗೀತೆ "ವಂದೇ ಮಾತರಂ" ಗೆ ೧೫೦ ರ ಸಂಭ್ರಮ ಸ್ಮರಣಾರ್ಥ ಉತ್ಸವ ಕ್ಕೆ ಪ್ರಧಾ ನಿ ಚಾಲನೆ ಭಾ ರತದ ರಾಷ್ಟ್ರಗೀತೆ ʼ ವಂದೇ ಮಾತರಂ ʼ ನ ೧೫೦ನೇ ವರ್ಷಾಚ...