ಶ್ರೀಲಂಕಾ: ವ್ಯಾಪಕ ಉಗ್ರ ದಾಳಿ: 160ಕ್ಕೂ ಹೆಚ್ಚು ಸಾವು,450 ಜನರಿಗೆ ಗಾಯ

ಶ್ರೀಲಂಕಾ: ವ್ಯಾಪಕ ಉಗ್ರ ದಾಳಿ: 160ಕ್ಕೂ ಹೆಚ್ಚು ಸಾವು, 450 ಜನರಿಗೆ ಗಾಯ

ಕೊಲಂಬೋ:  ಶ್ರೀಲಂಕೆಯ  ಇಗರ್ಜಿಗಳು ಮತ್ತು ಪಂಚತಾರಾ ಹೋಟೆಲುಗಳಲ್ಲಿ 2019 ಏಪ್ರಿಲ್ 21ರ ಭಾನುವಾರ ಈಸ್ಟರ್ ಸಂದರ್ಭದಲ್ಲಿ ಆರು ಸರಣಿ ಭಯೋತ್ಪಾದಕ ದಾಳಿಗಳು ನಡೆದಿದ್ದು 160ಕ್ಕೂ ಹೆಚ್ಚು ಮಂದಿ ಮೃತರಾಗಿ 450ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.

ಈಸ್ಟರ್‌ ಶುಭ ಸಂದರ್ಭದಲ್ಲಿ ಪ್ರಾರ್ಥನೆಗೆ ಸೇರಿದ್ದವರನ್ನು ಗುರಿಯಾಗಿಸಿ ಈ ದಾಳಿ ನಡೆಸಲಾಗಿರಬಹುದೆಂದು ಶಂಕಿಸಲಾಗಿದೆ.


ಕೊಚ್‌ಚಿಕಾಡೆಯಲ್ಲಿರುವ ಸೈಂಟ್‌ ಆಂಟೋನಿ ಇಗರ್ಜಿ, ಕಟುವಾಪಿಟಿಯಾದಲ್ಲಿರುವ ಸೈಂಟ್‌ ಸೆಬಾಸ್ಟಿಯನ್‌ ಇಗರ್ಜಿ ಮತ್ತು ಬಟ್ಟಿಕಲೋವಾದಲ್ಲಿನ ಇಗರ್ಜಿಗಳಲ್ಲಿ ಬಾಂಬ್‌ ಸ್ಪೋಟ ನಡೆದಿರುವುದಾಗಿ ಶ್ರೀಲಂಕಾದ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಈ ಎರಡು ಸ್ಫೋಟ ಘಟನೆಗಳಲ್ಲಿ ಕನಿಷ್ಠ 80  ಜನರು ಗಾಯಗೊಂಡಿರುವುದಾಗಿ ತಿಳಿಬಂದಿದೆ.

ನಗರದಲ್ಲಿರುವ ಎರಡು ಪಂಚತಾರಾ ಹೊಟೇಲುಗಳಲ್ಲೂ ಬಾಂಬ್‌ ಸ್ಪೋಟ ಸಂಭವಿಸಿರುವ ಕುರಿತಾಗಿ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಇಲ್ಲಿನ ಶಾಂಗ್ರಿ ಲಾ, ಸಿನಾಮೊನ್‌ ಗ್ರ್ಯಾಂಡ್‌ ಹಾಗೂ ಕಿಂಗ್ಸ್‌ ಬರಿ ಹೊಟೇಲುಗಳಲ್ಲಿ ಬಾಂಬ್ ಸ್ಫೋಟಗಳು ನಡೆದಿವೆ.


ಹೆಚ್ಚಿನ ವಿವರಗಳಿಗೆ ಕೆಳಗಿನ ಚಿತ್ರ ಕ್ಲಿಕ್ ಮಾಡಿರಿ