3000 ರೂಪಾಯಿಗೆ ಒಂದು ವರ್ಷ ಪಯಣ
ಹೊಸ ಪಾಸ್ಟ್ ಟ್ಯಾಗ್ ವಾರ್ಷಿಕ ಪಾಸ್ ಘೋಷಣೆ
ನವದೆಹಲಿ: ಟೋಲ್ ಪಾವತಿಗಳನ್ನು ಸರಳಗೊಳಿಸಲು ಮತ್ತು ಟೋಲ್ ಪ್ಲಾಜಾಗಳಲ್ಲಿ ದಟ್ಟಣೆಯನ್ನು ಕಡಿಮೆ ಮಾಡಲು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ಆಗಸ್ಟ್ 15, 2025 ರಿಂದ ಫಾಸ್ಟ್ಟ್ಯಾಗ್ ಆಧಾರಿತ ವಾರ್ಷಿಕ ಪಾಸ್ ವ್ಯವಸ್ಥೆಯನ್ನು ಘೋಷಿಸಿದೆ.
ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರು 2025 ಜೂನ್ 18ರ ಬುಧವಾರ ಈ ಹೊಸ ಪಾಸ್ಟ್ ಟ್ಯಾಗ್ ವಾರ್ಷಿಕ್ ಪಾಸ್ ವ್ಯವಸ್ಥೆಯನ್ನು ಘೋಷಿಸಿದರು.
ಹೊಸ ಪಾಸ್ 3,000 ರೂಪಾಯಿಗಳಿಗೆ ಲಭ್ಯವಿರುತ್ತದೆ. ಇದನ್ನು 200 ಟ್ರಿಪ್ಗಳವರೆಗೆ ಅಥವಾ ಸಕ್ರಿಯಗೊಳಿಸಿದ ದಿನಾಂಕದಿಂದ ಒಂದು ವರ್ಷದವರೆಗೆ, ಯಾವುದು ಮೊದಲು ಬರುತ್ತದೆಯೋ ಅದಕ್ಕೆ ಬಳಸಬಹುದು.
ಯಾರಿಗೆ ಲಭ್ಯ?
ಕಾರುಗಳು, ಜೀಪ್ಗಳು ಮತ್ತು ವ್ಯಾನ್ಗಳಂತಹ ವಾಣಿಜ್ಯೇತರ ಖಾಸಗಿ ವಾಹನಗಳಿಗೆ ಮಾತ್ರ ವಾರ್ಷಿಕ ಪಾಸ್ ಅನ್ವಯಿಸುತ್ತದೆ. ಇದು ಪುನರಾವರ್ತಿತ ಟೋಲ್ ಪಾವತಿಗಳ ಅಗತ್ಯವಿಲ್ಲದೆ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಸುಗಮ ಪ್ರಯಾಣವನ್ನು ಅನುಮತಿಸುತ್ತದೆ ಎಂದು ಗಡ್ಕರಿ ಎಕ್ಸ್ (ಹಿಂದಿನ ಟ್ವಿಟ್ಟರ್) ಸಂದೇಶದಲ್ಲಿ ತಿಳಿಸಿದ್ದಾರೆ..
ಪಾಸ್ ಸಕ್ರಿಯಗೊಳಿಸಲು ಅಥವಾ ನವೀಕರಿಸಲು, ಬಳಕೆದಾರರು ರಾಜ್ಮಾರ್ಗ್ ಯಾತ್ರಾ ಅಪ್ಲಿಕೇಶನ್ ಮತ್ತು NHAI ಮತ್ತು MoRTH ನ ಅಧಿಕೃತ ವೆಬ್ಸೈಟ್ಗಳನ್ನು ಪ್ರವೇಶಿಸಬಹುದು. ಶೀಘ್ರದಲ್ಲೇ ಇದಕ್ಕೆಮೀಸಲಾದ ಕೊಂಡಿಯನ್ನು (ಲಿಂಕ್) ಸಕ್ರಿಯಗೊಳಿಸಲಾಗುತ್ತದೆ.
ಈ ಉಪಕ್ರಮವು ಪರಸ್ಪರ 60 ಕಿ.ಮೀ.ಗಳ ಒಳಗೆ ಇರುವ ಟೋಲ್ ಪ್ಲಾಜಾಗಳಿಗೆ ಸಂಬಂಧಿಸಿದಂತೆ ಪದೇ ಪದೇ ಬರುವ ಬರುವ ದೂರುಗಳನ್ನು ಪರಿಹರಿಸುತ್ತದೆ. ಒಂದು ಬಾರಿಯ, ಕೈಗೆಟುಕುವ ಟೋಲ್ ಪಾವತಿಯನ್ನು ಸಕ್ರಿಯಗೊಳಿಸುವ ಮೂಲಕ, ವಿಳಂಬವನ್ನು ಕಡಿಮೆ ಮಾಡುವುದು, ವಿವಾದಗಳನ್ನು ಕಡಿಮೆ ಮಾಡುವುದು ಮತ್ತು ಹೆದ್ದಾರಿ ಬಳಕೆದಾರರಿಗೆ ಸುಗಮ ಪ್ರಯಾಣದ ಅನುಭವವನ್ನು ನೀಡುವ ಗುರಿಯನ್ನು ಈ ನೀತಿಯು ಹೊಂದಿದೆ.
ಹೆದ್ದಾರಿ ಪ್ರಯಾಣದ ಸಮಯದಲ್ಲಿ ಸಮಯವನ್ನು ಉಳಿಸುವ ಮತ್ತು ವೆಚ್ಚವನ್ನು ಕಡಿಮೆ ಮಾಡುವ ಮೂಲಕ ದೇಶಾದ್ಯಂತ ಲಕ್ಷಾಂತರ ಖಾಸಗಿ ವಾಹನ ಮಾಲೀಕರಿಗೆ ಈ ಪಾಸ್ ಪ್ರಯೋಜನವನ್ನು ನೀಡುತ್ತದೆ ಎಂದು ಸರ್ಕಾರ ನಿರೀಕ್ಷಿಸಿದೆ.
No comments:
Post a Comment