ಈ ಹಕ್ಕಿ ಕೊಕ್ಕಿನ ಬಣ್ಣ ಬದಲಾಯಿಸುತ್ತದೆ..!
ಇದು ಸುವರ್ಣ ನೋಟ
ಹೌದು. ಇದೊಂದು ವಿಶಿಷ್ಟ ಹಕ್ಕಿ. ಇದರ ಹೆಸರು ಕೆಂಪು ರಾಟವಾಳ. ಕೆಂಪು ಮುನಿಯ ಎಂಬುದಾಗಿಯೂ ಇದನ್ನು ಕರೆಯುತ್ತಾರೆ. ಇಂಗ್ಲೀಷಿನಲ್ಲಿ ಇದನ್ನು ʼರೆಡ್ ಮುನಿಯʼ ಎಂಬುದಾಗಿ ಕರೆಯುತ್ತಾರೆ. ಈ ಹಕ್ಕಿಯ ವೈಜ್ಞಾನಿಕ ಹೆಸರು ʼಸ್ಟ್ರಾಬೆರಿ ಪಿಂಚ್ʼ ಅಥವಾ ʼಅಮಾಂಡವʼ ಅಂತ.
ಮೈದಾನ, ಎತ್ತರವಾಗಿ ಬೆಳೆದ ಹುಲ್ಲುಗಾವಲು ಪ್ರದೇಶಗಳಲ್ಲಿ ಸಾಮಾನ್ಯವಾಗಿ ಕೆಂಪು ಮುನಿಯ ಕಂಡು ಬರುತ್ತವೆ. ಕೆಲವೊಮ್ಮೆ ನೀರಿನ ಬಳಿ ಇರುವ ಪ್ರದೇಶಗಳಲ್ಲಿ ಇರುವುದೂ ಉಂಟು. ಭಾರತ ಬಿಟ್ಟರೆ, ಬಾಂಗ್ಲಾದೇಶ, ಶ್ರೀಲಂಕಾ, ನೇಪಾಳ ಮತ್ತು ಪಾಕಿಸ್ತಾನದಲ್ಲಿ ಈ ಹಕ್ಕಿಯ ವಿವಿಧ ಜಾತಿಗಳು ಕಂಡು ಬರುತ್ತವೆ. ಬರ್ಮಾ, ಚೀನಾ, ಥೈಲ್ಯಾಂಡ್, ಇಂಡೋನೇಷಿಯಾ ಮತ್ತು ಕಾಂಬೋಡಿಯಾದಲ್ಲೂ ಇವು ಕಂಡು ಬರುತ್ತವೆ.
ಕಾಳು ಮತ್ತು ಗೆದ್ದಲು ಹುಳಗಳು ಈ ಹಕ್ಕಿಗೆ ಆಹಾರ. ಮುಂಗಾರು ಶುರುವಾಯಿತು ಎಂದರೆ ಸಾಕು ಈ ಹಕ್ಕಿಗಳಿಗೆ ಮಿಲನ ಸಂಭ್ರಮ. ಗಂಡು- ಹೆಣ್ಣು ಹಕ್ಕಿಗಳು ಜೊತೆ ಜೊತೆಯಾಗಿಯೇ ಇರುತ್ತವೆ. ಈ ಸಮಯದಲ್ಲಿ ಗಂಡು ಹಕ್ಕಿಯ ಮೈ ಕೆಂಪು ಬಣ್ಣಕ್ಕೆ ತಿರುಗುತ್ತದೆ. ರೆಕ್ಕೆಗಳು ಕೂಡಾ ವಿವಿಧ ಬಣ್ಣಗಳನ್ನು ಪಡೆಯುತ್ತವೆ.
ಎತ್ತರವಾಗಿ ಬೆಳೆದ ಹುಲ್ಲಿನ ಮಧ್ಯೆ ಇರುವುದರಿಂದ ಮತ್ತು ಅತ್ಯಂತ ವೇಗವಾಗಿ ರೆಕ್ಕೆಗಳನ್ನು ಬಡಿಯುತ್ತಾ ಹಾರುವುದರಿಂದ ಈ ಪುಟ್ಟ ಹಕ್ಕಿಗಳು ನೋಡಲು ಸಿಗುವುದು ಅಪರೂಪ.
ಆದರೆ ನಮ್ಮ ಹಿರಿಯ ಪತ್ರಿಕಾ ಛಾಯಾಗ್ರಾಹಕ ವಿಶ್ವನಾಥ ಸುವರ್ಣ ಇದ್ದಾರಲ್ಲ? ಅವರು ಹುಲ್ಲಿನ ಮಧ್ಯೆ ತೂರಿಯಾದರೂ ಫೋಟೋ ಹೊಡೆಯುತ್ತಾರೆ. ಅಂತಹ ಒಂದು ಸಂದರ್ಭದಲ್ಲಿ ನೋಡಿ ಅವರ ಕ್ಯಾಮರಾದಲ್ಲಿ ಈ ರೆಡ್ ಮುನಿಯ ಜೋಡಿ ಬಂಧಿಯಾಗಿ ಬಿಟ್ಟವು. ಹೀಗಾಗಿ ಈಗ ನಮಗೆಲ್ಲರಿಗೂ ಅವುಗಳ ಸೊಬಗು ಸವಿಯುವ ಸಂಭ್ರಮ.
ಈ ಹಕ್ಕಿಯ ಸಮೀಪ ನೋಟಕ್ಕೆ ಇಲ್ಲಿರುವ ಫೊಟೋಗಳನ್ನು ಕ್ಲಿಕ್ಕಿಸಿ.
ಈ ಲೇಖನವನ್ನು ಕೇಳಲು ಕೆಳಗೆ ಕ್ಲಿಕ್ ಮಾಡಿರಿ:
ವಿಡಿಯೋ ನೋಡುತ್ತಾ ಈ ಲೇಖನವನ್ನು ಓದಲು ಕೆಳಗಿನ ಚಿತ್ರವನ್ನು ಕ್ಲಿಕ್ ಮಾಡಿ.:
ಬರಹ: ನೆತ್ರಕೆರೆ ಉದಯಶಂಕರ
- ಚಿತ್ರಗಳು: ವಿಶ್ವನಾಥ ಸುವರ್ಣ
ಇವುಗಳನ್ನೂ ಓದಿರಿ:
